देव नाही, देवळात। आहे तुझ्या ह्रदयात
भुकेल्यास देई अन्न। अपंगाला देई हात
देव नाही देवळात।आहे तुझ्या,जाणिवेत
गरजूंना देई साथ,।संकटा वेळी मदत
देव नाही देवळात। आहे तुझ्या समवेत
तान्हेल्याशी देई जल ।निर्धनाशी समाधान
देव नाही देवळात।आहे तुझ्या सुक्रुतात
बेघराशी देई वास ।मार्ग दावी अंधारात
देव नाही देवळात। आहे तुझ्या विवेकात
अनाथास देई साथ ।आळशास दे उल्हास
देव नाही देवळात ।आहे तुझ्या प्रयत्नात
श्रमाची वाढव शान ।मिळेल तुजसी मान
देव नाही देवळात ।आहे तुझ्या ताकदीत
संकटांशी दोनहात ।जिद्दीने तू कर मात
देव नाही देवळात।आहे तुझ्या आदर्शात
ठेव आचरण शुध्द ।जग निकोप जीवन
सौ. अंजली महाजन पुणे
